July 25, 2025
Universiteti EPOKA është renditur i dyti në nivel kombëtar dhe i pari ndër universitetet private në Shqipëri, sipas edicionit 2025 të Webometrics Ranking of World Universities.
Kjo renditje ndërkombëtare publikohet nga Cybermetrics Lab pranë Këshillit Kombëtar të Kërkimeve Shkencore në Spanjë (CSIC), një nga institucionet më të mëdha publike kërkimore në Evropë. Webometrics vlerëson mbi 30,000 institucione të arsimit të lartë në mbarë botën, bazuar në dukshmërinë online, produktivitetin shkencor dhe praninë digjitale.
EPOKA ka mbajtur në mënyrë të vazhdueshme një pozicion udhëheqës në Shqipëri, si dëshmi e cilësisë së arsimit, qasjeve bashkëkohore ndërkombëtare, dhe angazhimit për kërkimin shkencor dhe inovacionin.
Ky sukses nuk është rastësi, por rezultat i përkushtimit të vazhdueshëm të stafit akademik dhe studentëve tanë.
Ndërkohë që maturantët vendosin për rrugën e tyre universitare, kjo arritje përçon një mesazh të qartë: Nëse kërkon cilësi, inovacion dhe mundësi ndërkombëtare—zgjidh EPOKËN.
