October 22, 2025
Departamenti i Drejtësisë në Universitetin EPOKA, në bashkëpunim me Fondacionin Shqiptar për Zgjidhjen e Konflikteve dhe Pajtimin e Mosmarrëveshjeve (AFCR), organizon punëtorinë me temë “Zërat e të Rinjve për Zgjidhjen Rikuperuese të Konflikteve”, e cila do të zhvillohet më të mërkurën, më 22 tetor 2025, në Universitetin EPOKA, në sallën Eagle (Godina E).
Kjo punëtori organizohet në kuadër të projektit rajonal “Promovimi i Praktikave Rikuperuese dhe Ndërmjetësimit në Zgjidhjen e Konflikteve midis të Rinjve”, i cili zbatohet nga AFCR në partneritet me Rrjetin e Grave në Shkencë – Maqedonia e Veriut dhe OJQ ISKRA – Mali i Zi, me mbështetjen e Thirrjes së 6-të të Hapur të RYCO për propozime projektesh të OShC-ve “RYCOnnecting You(th)”.
Punëtoria, e udhëhequr nga Dr. Eglantina Farruku, pedagoge në Departamentin e Drejtësisë, dhe znj. Merita Bala, Drejtore Ekzekutive e AFCR, do të fillojë në orën 09:45. Programi përfshin diskutime interaktive dhe prezantime mbi ndërmjetësimin, qasjet rikuperuese, si dhe inisiativa të udhëhequra nga të rinjtë në fushën e zgjidhjes së konflikteve.
Të pranishmit do të kenë mundësinë të dëgjojnë nga ekspertë të zgjidhjes së konflikteve dhe ndërmjetësimit, si znj. Mirela Tahiraj, si dhe nga përfaqësues të rinj që do të prezantojnë mini-fushatat e tyre të zhvilluara gjatë aktiviteteve rajonale dhe lokale.
Qëllimi i punëtorisë është të fuqizojë të rinjtë si kontribues aktivë në ndërtimin e paqes dhe zgjidhjen e konflikteve, duke nxitur dialogun dhe mirëkuptimin në mbarë rajonin e Ballkanit Perëndimor.
Vendi: Salla Eagle (Godina E), Universiteti EPOKA
Data: E mërkurë, 22 tetor 2025
Ora: 09:45 – 12:00
