October 22, 2026
Të dashur studentë,
Kemi kënaqësinë të njoftojmë një mundësi për studentët e interesuar që të marrin pjesë në Universitetin Veror CEEDev 2027, i cili do të organizohet në Universitetin Eötvös Loránd (ELTE) në Budapest, Hungari.
Tema: “Përplasja e Paradigmave të Zhvillimit: Çfarë Lloji të Ardhmeje i Duhet Vërtet Evropës Qendrore dhe Lindore?”
Datat: 5–10 korrik 2027
Vendndodhja: Universiteti Eötvös Loránd (ELTE), Budapest, Hungari
Universiteti Veror do të bashkojë studentë për të shqyrtuar sfidat e zhvillimit dhe rrugët alternative të zhvillimit për Evropën Qendrore dhe Lindore, përmes leksioneve, diskutimeve me ekspertë të ftuar, vizitave në terren, punëtorive dhe punës në projekte bashkëpunuese.
Informacion: Nuk kërkohet tarifë pjesëmarrjeje. Pjesëmarrësit do të përfitojnë një bursë (stipend) prej 95,000 HUF, e cila do të mbulojë pjesërisht shpenzimet e udhëtimit, akomodimit dhe ushqimit.
Akomodimi me çmim të reduktuar do të organizohet nga institucioni pritës, por kostoja do të mbulohet nga vetë pjesëmarrësit. Gjuha e punës është anglishtja.
Pjesëmarrësit duhet të jenë të pranishëm në Budapest gjatë gjithë kohëzgjatjes së Universitetit Veror; ata duhet të mbërrijnë deri më 4 korrik dhe të largohen jo më herët se 11 korriku 2027.
Vetëm dy studentë do të pranohen për të marrë pjesë në shkollën verore të këtij viti. Ju lutemi vini re se shprehja e interesit në këtë fazë nuk përbën një aplikim zyrtar.
Aplikimi zyrtar duhet të dorëzohet përmes platformës MyCEEPUS (www.ceepus.info), ndërsa afati i fundit për dorëzimin e aplikimit është 1 nëntori 2026.
I inkurajojmë studentët ta shfrytëzojnë këtë mundësi për t'u përfshirë në shkëmbime akademike ndërkombëtare dhe për të thelluar njohuritë e tyre mbi çështjet e zhvillimit në Evropën Qendrore dhe Lindore.
