July 10, 2025
Departamenti i Bankës dhe Financës në Universitetin EPOKA ka kënaqësinë të njoftojë se programet e mëposhtme të studimit kanë marrë zyrtarisht akreditimin nga ACCA (Association of Chartered Certified Accountants):
• Bachelor në Bankë dhe Financë
• Master në Bankë dhe Financë
Këto programe do të mbajnë akreditimin ACCA për një periudhë prej pesë vitesh, duke përfshirë të gjithë të diplomuarit nga 1 Janar 2025 deri më 31 Dhjetor 2029.
Ky vlerësim i rëndësishëm konfirmon cilësinë e lartë akademike dhe profesionale të kurrikulave tona, në përputhje me praktikat më të mira ndërkombëtare në fushën e financës, kontabilitetit dhe teknologjisë. Gjithashtu, kjo do të thotë se studentët që diplomohen nga këto programe të akredituara mund të përfitojnë nga përjashtime në disa provime të ACCA, duke lehtësuar rrugën e tyre drejt certifikimit profesional si kontabilistë të njohur ndërkombëtarisht.
