Më 16 Janar 2025, Universiteti EPOKA organizoi një workshop interaktiv dhe angazhues nga PMable, në bashkëpunim me Departamentin e Administrimit të Biznesit dhe Zyrën e Planifikimit të Karrierës dhe Alumnit. 

Workshopi eksploroi sinergjinë dinamike midis menaxhimit të projekteve dhe inovacionit në biznes, duke u ofruar studentëve një hyrje praktike dhe frymëzuese në aftësitë thelbësore për karrierat e tyre.

Sesioni dy-orësh filloi me një prezantim energjik dhe aktivitete për thyerjen e akullit për të krijuar një atmosferë bashkëpunuese. Më pas, pjesëmarrësit u përballën me sfidën kreative, "Krijo Biznesin e Së Ardhmes për 5 Minuta." Të ndarë në ekipe, studentët zhvilluan koncepte biznesi inovative në fushat e Marketingut, Logjistikës dhe Informatikës, duke nxitur kreativitetin dhe punën në grup në një atmosferë të gjallë dhe argëtuese.

Workshop-i trajtoi metodologjinë P3.express, një qasje e thjeshtë dhe efektive për menaxhimin e projekteve. Përmes aktiviteteve praktike, përshirë një kuiz Kahoot dhe simulime krizash, studentët fituan njohuri praktike për zbatimin e parimeve Agile, përdorimin e mjeteve si Trello dhe Notion, si dhe adoptimin e praktikave të qëndrueshme dhe etike në projektet globale. Sesioni theksoi potencialin transformues të aftësive në menaxhimin e projekteve, duke i pajisur pjesëmarrësit për të shkëlqyer në karrierat e tyre.

Workshopi u drejtua nga:

• Eldisa Cirogu, CEO e PMable dhe një lidere vizionare, e njohur për ekspertizën e saj në menaxhimin e departamenteve strategjike në Commercey dhe promovimin e bashkëpunimit për rritje dhe inovacion.
• Denisa Bajraktari, Menaxhere e Zhvillimit të Biznesit dhe Trajnere e Menaxhimit të Projekteve në PMable, e cila fuqizon individët dhe organizatat përmes trajnimeve praktike dhe iniciativave inovative të lidershipit.
• Antea Bega, studente e vitit të tretë në Administrim Biznesi dhe Menaxhere e Projekteve, me përvojë në ndërtime të ekipeve të forta, menaxhimin e projekteve me ndikim dhe nxitjen e ndryshimeve kuptimplota.

Duke reflektuar mbi aktivitetin, PMable ndau entuziazmin e tyre, duke deklaruar: "Workshop-i i djeshëm në Universitetin EPOKA ishte një udhëtim frymëzues në botën e menaxhimit të projekteve dhe inovacionit! Studentët morën pjesë në aktivitete praktike, eksploruan thjeshtësinë e metodologjisë P3.express dhe zbuluan sesi menaxhimi i projekteve mund të jetë një ndryshues loje për karrierat e tyre. Jemi të lumtur që u lidhëm me kaq shumë mendje të ndritura dhe që pamë entuziazmin e tyre për të mësuar, rritur dhe ndërtuar një të ardhme më të mirë."

Sesioni u mbyll me pikat kryesore të nxjerra nga workshop-i, shpërndarjen e certifikatave të pjesëmarrjes dhe një ftesë për studentët për të iu bashkuar komunitetit P3.express. Aktiviteti la një mbresa duke frymëzuar pjesëmarrësit të përqafojnë menaxhimin e projekteve si një mjet për inovacion dhe ekselencë.

Ky workshop shënon një hap të rëndësishëm në angazhimin e Universitetit EPOKA për të ofruar studentëve mundësi të vlefshme për tu lidhur me liderët e industrisë dhe për të zhvilluar aftësi thelbësore për suksesin e tyre në të ardhmen.