Ndërsa shpesh mendojmë për letërsinë, filmin dhe televizionin si vende ku mund të largohemi nga realitetet e botës, në fakt, normat gjinore me të cilat jetojmë reflektohen dhe riprodhohen nga produktet kulturore.

Në këtë ligjëratë, Sarah E. Chinn tregon mënyrat se si materialet letrare dhe ato imagjinative përshtaten me konceptet historike dhe rajonale të gjinisë.

Ajo do të shtrojë dhe përpiqet t’i përgjigjet disa pyetjeve, duke përfshirë:

• Si i janë përshtatur dhe si i kanë rezistuar hierarkive gjinore shkrimtarët e epokës së tyre?
• Çfarë lloj eksperimentesh letrare dhe kinematografike kanë ndërmarrë krijueset feministe për të imagjinuar mënyra të ndryshme funksionimi të gjinisë?
• Dhe si televizori dhe mediat e tjera popullore, veçanërisht ato nga SHBA-ja, ofrojnë një gamë të gjerë identitetesh dhe kuptimesh të ndërlidhura me gjininë?

Rreth folëses

Sarah E. Chinn jep mësim mbi Letërsitë dhe Kulturat Amerikane në Departamentin e Anglishtes në Hunter College, CUNY.

Puna e saj eksploron kryesisht çështje të racës, seksualitetit dhe gjinisë në letërsinë dhe kulturën amerikane, veçanërisht në shekullin e 19-të.

Ajo jep një gamë të gjerë kursesh, duke përfshirë Shkrimtaret e Shekullit të 19-të, Dramën e Hershme Amerikane, Teorinë Letrave dhe Narrativat Queer pas vitit 1945.

Ajo është autore e:

• Technology and the Logic of American Racism: A Cultural History of the Body as Evidence (Continuum, 2000)
• Inventing Modern Adolescence: Children of Immigrants in Turn-of-the-Century America (Rutgers University Press, 2008)
• Spectacular Men: Race, Gender, and Nation on the Early American Stage, 1780-1840 (Oxford University Press, 2017)

Ajo ka fituar çmimin George Freedley Memorial Award 2018 për një punim të shkëlqyer në fushën e teatrit të gjallë ose performancës, akorduar nga Shoqata e Bibliotekës së Teatrit, si dhe titullin Choice Outstanding Academic Title.

Në vitin 2020, ajo u vlerësua me çmimin 1921 Prize të Shoqatës së Letërsisë Amerikane për artikullin më të mirë në letërsinë amerikane.

Libri i saj më i fundit është Disability, the Body, and Radical Intellectuals in the Literature of the Civil War and Reconstruction (Cambridge University Press, 2024).

Linku për pjesëmarrje