April 24, 2025
Më 24 prill 2025, në kuadër të bashkëpunimit me Universitetin e Amsterdamit, Departamenti i Drejtësisë në Universitetin EPOKA organizoi një leksion të hapur me temë Tatimi i Drejtpërdrejtë dhe i Tërthortë Europian.
Seanca, e moderuar nga Profesoreshë e Asociuar Gelanda Shkurtaj, solli për studentët Asistent Profesor Giorgio Beretta dhe Asistent Profesor Claudio Cipollini. Ata ofruan një përmbledhje të shkurtër dhe gjithëpërfshirëse mbi të drejtën tatimore të Bashkimit Europian, duke vijuar më pas me diskutimin e rasteve praktike të tatimit të drejtpërdrejtë dhe të tërthortë.
Leksioni u përmbyll me një sesion pyetje-përgjigje mjaft interaktiv, duke u dhënë mundësinë studentëve të thellonin njohuritë e tyre dhe të ndërvepronin drejtpërdrejt me ligjëruesit e ftuar.
Departamenti i Drejtësisë në Universitetin EPOKA shpreh mirënjohjen e tij ndaj Asistent Profesor Giorgio Beretta dhe Asistent Profesor Claudio Cipollini për bashkëpunimin e tyre të vyer, si dhe ndaj Profesoreshë e Asociuar Gelanda Shkurtaj për vizionin dhe përkushtimin e saj në pasurimin e përvojës mësimore përmes ftesës së lektorëve të njohur në kursin e saj E Drejta Tatimore.
Asistent Profesor Giorgio Beretta është Asistent Profesor në Tatimin e Tërthortë në Universitetin e Amsterdamit (UvA) dhe anëtar i Qendrës së Amsterdamit për të Drejtën Tatimore (ACTL). Përveç rolit të tij akademik, ai është një avokat tatimor në Itali dhe anëtar i bordeve editoriale të revistave ndërkombëtare të së drejtës tatimore si Intertax dhe Highlights & Insights on European Taxation.
