Projekti READ Përmbyllet me Një Aktivitet të Udhequr nga Studentët mbi të Drejtat e Pakicave dhe Ndihmën Juridike

Më 30 maj 2025, u zhvillua me sukses në Universitetin EPOKA aktiviteti përmbyllës i projektit READ, me titull: “Fuqizimi i të Drejtave të Pakicave Kombëtare në Shqipëri: Lidhja e Kuadrit Ligjor të Brendshëm me Angazhimet Ndërkombëtare për të Drejtat e Njeriut.” Aktiviteti u koordinua nga Dr. Heliona Bellani, Prof. Asoc. Dr. Bojana Hajdini dhe Dr. Niuton Mulleti, në bashkëpunim me Prof. Asoc. Dr. Damigela Hoxha nga Universiteti i Bolonjës.

Aktiviteti mblodhi përfaqësues nga institucione kyçe, përfshirë Komisionerin për Mbrojtjen nga Diskriminimi, Drejtorinë e Ndihmës Juridike Falas, projektin READ, Fondacionin Shqiptaro-Amerikan për Zhvillim (AADF), staf akademik të Universitetit EPOKA dhe një grup studentësh të përkushtuar.

Pika kulmore e aktivitetit ishte prezantimi nga studentët i projekteve të tyre, të zhvilluara në kuadër të kursit Klinikë Juridike, në bashkëpunim të ngushtë me Komisionerin për Mbrojtjen nga Diskriminimi dhe Drejtorinë e Ndihmës Juridike Falas. Studentët, të ndarë në katër grupe, paraqitën këto nisma:

Grupi 1 (Arba Xhani, Çeljeta Hodo, Greta Maloku): “Ndihma Juridike Falas dhe e Drejta për një Gjyq të Rregullt për Grupet e Margjinalizuara”

Grupi 2 (Sabina Dedej, Sentiliano Hamiti, Sidora Tyli, Tadeo Jani, Xhoarda Xhixho): “Mbrojtja e të Drejtave të Pakicave Kombëtare në Shqipëri”

Grupi 3 (Britni Dushi, Gjinovefa Baci, Leonardo Bezhi, Xhiko Llanaj): “Sfidat dhe Nevojat e Grupeve të Pakicave në Qasjen ndaj Ndihmës Juridike Falas”

Grupi 4 (Edja Metohu, Misenida Bica): “Roli i TLAS në Promovimin e të Drejtave të Pakicave përmes Ndihmës Juridike Falas në Shqipëri”

Gjatë aktivitetit u prezantua gjithashtu një botim i ri, që përmbledh gjetjet dhe diskutimet kryesore nga Forumi i Hapur i mbajtur në nëntor 2024. Ky forum, i organizuar me pjesëmarrjen e stafit akademik, aktorëve të shoqërisë civile dhe institucioneve të të drejtave të njeriut, mbante titullin: “Fuqizimi i të Drejtave të Pakicave në Shqipëri: Lidhja e Kuadrit Ligjor të Brendshëm me Angazhimet Ndërkombëtare për të Drejtat e Njeriut.”

Për më tepër, u prezantuan edhe librat e blerë në kuadër të projektit READ. Këto burime, që trajtojnë tema si të drejtat e njeriut, pakicat kombëtare dhe instrumentet ndërkombëtare të mbrojtjes, tashmë do të jenë të disponueshme për studentët dhe stafin pedagogjik në Bibliotekën e Universitetit EPOKA.

Shprehim mirënjohjen tonë të sinqertë për projektin READ/AADF, Komisionerin për Mbrojtjen nga Diskriminimi, Drejtorinë e Ndihmës Juridike Falas, Komitetin për Mbrojtjen e Pakicave Kombëtare, Avokatin e Popullit, stafin e Universitetit EPOKA dhe studentët e përkushtuar, të cilët me punën e tyre bënë të mundur suksesin e këtij projekti.