Të hënën, më 13 janar, në orën 9:30, Departamenti i Arkitekturës në Universitetin Epoka organizoi një ligjëratë të hapur me titull Projekti Pilot për Artin. Aktiviteti u mbajt në Sallën e Konferencave dhe ishte pjesë e kursit Studio e Avancuar e Dizajnit, drejtuar nga Dr. Joana Dhiamandi, pedagoge në këtë departament. Sesioni ishte i përqendruar veçanërisht për studentët e vitit të katërt në Arkitekturë, duke u fokusuar në temën e dizajnit për qytetin Pogradec.

Folësja e ftuar, Donika Çina, ndau eksperiencën dhe ekspertizën e saj të pasur në art dhe dizajn. Donika ka përfunduar Diplomën në Arte pranë Universitetit të Arteve në Tiranë dhe ka vazhduar studimet e saj në Fotografi dhe Imazhe të Bazuara në Proces pranë Universitetit të Arteve dhe Dizajnit në Cluj-Napoca, Rumani. Përvoja e saj akademike është pasuruar edhe nga bursa prestigjioze në Itali dhe Gjermani, duke i zgjeruar njohuritë në artin dhe kulturën bashkëkohore.

Përveç arritjeve të saj si artiste vizuale, Donika ka dhënë një kontribut të rëndësishëm si kuratore, organizatore kulturore dhe drejtues projektesh. Ajo ka luajtur një rol kyç në iniciativa si ArtNexus dhe programi Annex, të cilat lidhin në mënyrë krijuese artin me edukimin për të drejtat e njeriut.

Gjatë ligjëratës, Donika theksoi rolin transformues të artit në shoqëri. Ajo nënvizoi potencialin e artit për të promovuar edukimin cilësor, barazinë dhe ndryshimet sociale. Përspektivat dhe idetë e saj frymëzuan studentët që të mendojnë në mënyrë kritike për mënyrat se si mund të përdorin kreativitetin dhe dizajnin për të adresuar sfidat e shoqërisë.

Ky aktivitet u ofroi studentëve perspektiva të vlefshme dhe ide praktike për t’i përfshirë në projektet e tyre të dizajnit. Departamenti i Arkitekturës shpreh mirënjohjen e tij të sinqertë për Donika Çinën për ligjëratën frymëzuese dhe për Dr. Joana Dhiamandin për organizimin e këtij sesioni të vlefshëm.