Arbitrazh, edhe ne Shqiperi | News

July 30, 2024

Arbitrazh, edhe ne Shqiperi

arbitration arbitrazh

Arbitrazh, edhe në Shqipëri

Gentiana Kapllani - LL.M. në të Drejtë Ndërkombëtare dhe Tregtare

Edmorela Myftaraj - BSc në drejtësi
Klea Kallulli - BSc në drejtësi

“Ai që e ka provue din edhe me të mësue”, thotë populli.

Prandaj, kur departamenti i ligjit në universitetin “Epoka” shpalli thirrjen për një shkollë verore mbi arbitrazhin ndërkombëtar, aplikuam pa hezitim për të marrë një eksperiencë të dorës së parë nga arbitra ndërkombëtarë, profesionistë dhe studiues të dedikuar të fushës.

Nisma e Dr. Dini Sejko, Dr. Gentjan Skara dhe Dr. Alba Gërdeci, e mbështetur nga projekti “Research Expertise from the Academic Diaspora” i Fondacionit Shqiptaro-Amerikan për Zhvillim (AADF) - nuk ishte vetëm një mundësi për t’u njohur me konceptet bazë të arbitrazhit ndërkombëtar, por edhe shtysa kryesore që ne, si studiuese të reja të së drejtës, të përmblidhnim dijet e fituara dhe bërë kërkim shtesë, në këtë artikull.

Pjesëmarrja në shkolla të tilla verore, me profesionistë të këtij kalibri, ta zgjon kuriozitetin si asgjë tjetër, edhe kur temperaturat janë shumë të larta për t’u përballuar.

Një përmbledhje të informacionit shterues të marrë në 1-javë, e gjeni në këtë link.